İstehsalçı ölkə: Birləşmiş Krallıq
Buraxılış ili: 2017
Rejissor: Devid Bikerstaff
Janr: sərgi-film
Dil: İngilis dili
Tərcümə: rus dili
Saat: 1 saat 27 dəqiqə
Yaş həddi: 12+
EKRANDA SƏRGİ beşinci mövsümünü "Kanaletto və Venesiya incəsənəti" filmi ilə açıq elan edir, bu film Venesiyanın məşhur rəssamlarından birinin həyat və yaradıcılığına səyahətdir. Covanni Antonio Kanaldan (həmçinin Kanaletto kimi məşhurdur) başqa heç bir rəssam Venesiyanın mahiyyətini və cazibəsini bu qədər dəqiqliklə çatdıra bilməzdi.
200-dən çox şəkildən, rəsmdən və əsərlərin surətindən ibarət zəngin kolleksiyanın əks olunduğu film Kanalettonun və onun həməsrlərinin yaradıcılığına, habelə, onları ilhamlandırmış məşhur şəhərə başqa gözlə baxmaq imkanı verəcək. Tamaşaçılar iki kral iqamətgahına (Bukinhem sarayı və Vindzor qalası) virtual səyahət etmək, habelə, Kanaletto və onu Britaniyaya tanıdan Cozef Smit haqqında daha çox məlumat almaq imkanı qazanacaq.
Filmi izləyən tamaşaçılar XVIII əsrin rəssamlarına ilham vermiş və Kanalettonun yaddaşında həkk olunmuş yerlərə (Rialto körpüsündən Müqəddəs Mark meydanına, Dojlar sarayından Santi-Covanni-e-Paolo kilsəsinə qədər) virtual səyahət etmək imkanı əldə edəcək. Bu səyahət boyunca sizə Kral Kolleksiyası Fondunun kuratorları və Venesiya tarixi üzrə dünyanın aparıcı ekspertləri bələdçilik edəcək. Bu film tamaşaçılara həm sərgini izləmək, həm də Kanalettonun yaradıcılığı və ona ilham vermiş şəhər ilə yaxından tanış olmaq imkanı verəcək.