Azərbaycanda məzunların nailiyyətlərini qeyd edirik

Qabaqcıl şəxslər Birləşmiş Krallıqda dünya standartlarına uyğun təhsil aldıqda, bunun nəticəsi uzumüddətli ola bilər. Məzun Mükafatları (Alumni Awards) Birləşmiş Krallığın ali təhsil müəssisələrindən məzun olmuş şəxslərin seçdikləri sahələrdə gördükləri işləri və onların Birləşmiş Krallıqda aldıqları təhsilin bu işlərə göstərdiyi təsiri qiymətləndirir.

Beş mükafat kateqoriyası mövcuddur:

  • Elm və Davamlılıq Mükafatı - bu mükafat karyeraları elm və davamlılıq dünyasında qazandıqları uğurlarla fərqlənən, peşə və digər sahələrdə təsirini və miqyasını nümayiş etdirə bilən məzunlarına məxsusdur. İş sahələri: İqlim deyişikliyi, təmiz/yaşıl enerji, tibb, davamlı şəhərlər və icmalar, mühəndislik, sənaye və tikinti.
  • Mədəniyyət və Yaradıcılıq Mükafatı - Bu mükafat incəsənət və mədəniyyət sahəsində karyera qurmuş məzunlarına məxsusdur - biz bədii yaradıcılığını, təsirini və yaradıcılığını nümayiş etdirə biləcək şəxsləri axtarırıq. İş sahələri: incəsənət, dizayn, media, video, TV, musiqi, bloggerlər, vloggerlər, Youtubers və humanitar elmlər.
  • Sosial Fəaliyyət Mükafatı - Bu mükafat müsbət sosial dəyişiklik yaratmağa və başqalarının həyatını yaxşılaşdırmağa müstəsna töhfə və öhdəlik götürmüş məzunlarına məxsusdur. İş sahələri: bərabərliyin, yoxsulluğun və aclığın azaldılması, təhsil və bacarıqların artırılması, sülh və ədalət.
  • Biznes və İnnovasiya Mükafatı - Bu mükafat inkişaf etmək potensialına malik, yenilikçi və ya yaradıcı fikirlərin, həllərin və ya iş imkanlarının təşəbbüskarı və töhfə verən fəal məzunlarına məxsusdur. İş sahələri: sahibkarlıq, biznes, texnologiya və maliyyə.

Böyül Britaniyanın Azərbaycandakı səfiri həmçinin xüsusi "Səfir Mükafatını" təqdim edir.

1 Sentyabr 2021  Bütün ölkələr üçün sənəd qəbulu açıq elan edilir
30 Oktyabr 2021 Sənəd qəbulu bütün ölkələr üçün 23.59-da (GMT) başa çatır 
Oktyabr & Noyabr 2021 Müraciətlər seçilir
10 Yanvar 2022 Ölkə miqyasında finalçılar elan edilir
28 Yanvar 2022 Ölkə miqyasında Məzun Mükafatları Müsabiqəsi keçirilir
Mart/Avqust  2022 Dünya miqyasında qaliblər elan ediir və sosial şəbəkələr vasitəsilə uğurların qeyd edilir
Sentyabr 2022 Dünya miqyasında qaliblərin elan edilir

Elm və Davamlılıq Mükafatı

Nərmin Babayeva

Lids Universiteti

Nərmin BP Azerbaijan şirkətində kəşfiyyat üzrə geofizikdir. O, quyuların planlaşdırılması və təhvil prosesləri üçün müasir geofiziki məlumatların şərhi və təhlili üzərində işləyir.

Rauf Cabbarov

Mançester Universiteti

Rauf İT layihələrinin idarə edilməsi üzrə mütəxəssisdir. O, “İKT LAB” MMC-nin (Nəqliyyat, Rabitə və Yüksək Texnologiyalar Nazirliyinin agentliyi) direktoru kimi elektron hökumət layihələrini sınaqdan keçirir.

İnqilab Şahbazov

Şeffild Universiteti 

İnqilab Sosial Araşdırmalar Mərkəzində tədqiqatçı və baş məsləhətçidir. O, Azərbaycanın bir sıra universitetlərinin kurikulumlarına daxil edilmiş kitab (Sosial Tədqiqat Metodları, 2019) nəşr etdirib.

Mədəniyyət və Yaradıcılıq Mükafatı

Lala Əliyeva

Goldsmit, London Universiteti

Lalə müstəqil sənədli film rejissoru və prodüseridir. Onun məqsədi Azərbaycanda özünütəhsil və sosial dəyişiklik üçün unikal və güclü alət kimi seçilən sənədli film sahəsini inkişaf etdirməkdir.

Asiya Həsənova

İncəsənətlər Universiteti, London

Asiya keramika dizayneri və sənət və dizayn layihələri ilə mədəni məlumatlandırmaq məqsədi ilə idarə olunan Gasanoff çini brendinin təsisçisidir.

Əsli Səmədova

London İqtisadiyyat və Siyasi Elmlər Məktəbi

Əsli beynəlxalq kontekstdə Azərbaycanın müasir incəsənətinə dair diskursları dəstəkləyən Ta(r)dino 6 Art Platformasının təsisçisidir. O, həmçinin 2021-ci ildə ilk Prince Claus Seed mükafatını aldı.

Sosial Fəaliyyət Mükafatı

Türkən Əliyeva

Lester Universiteti

Türkan Azərbaycan və Böyük Britaniya arasında ikitərəfli universitet tərəfdaşlığı üzərində işləyən Memarlıq və İnşaat Universitetində müəllim və Strateji Planlaşdırma Departamentinin rəhbəridir.

Müjdət Həsənov

Bristol Universiteti

Müjdət Təhsil Nazirliyinin Xaricdə Təhsil və Beynəlxalq Tələbə İşləri şöbəsinin müdiridir. Study in Azerbaijan internet portalı vasitəsilə ali təhsilin beynəlmiləlləşdirilməsi üzrə layihələrə rəhbərlik edir.

Həmidə Zeynalova

Birminqem Siti Universiteti

Həmidə Chevening Təqaüdçüsü və xüsusi ehtiyacı olan qaçqın və uşaqlara ingilis dilini öyrənmə proqramları və təlimlər təklif edən Kuki Kids təhsil mərkəzinin təsisçisidir.

Biznes və İnnovasiya Mükafatı

Musa Əfəndiyev

London İqtisadiyyat və Siyasi Elmlər Məktəbi

Musa yerli startaplara və KOM-lara kömək edən “Aqilli Nağıllar” kreativ agentliyinin təsisçisidir. O, həm də qısametrajlı filmi Kann Film Festivalının Qısa Filmlər guşəsində premyerası olan həvəskar kinorejissordur.

Rövşən Əlizadə

Kardiff Universiteti

Rövşən Azərbaycanda iri təşkilatlar üçün həll olan ƏDV Portalına cavabdeh olan proqram təminatı inkişaf etdirmə şirkəti AMR Solutions-ın təsisçisi və baş direktorudur. O, həmçinin Azerfon-da PSS Core Engineerdir.

Rəşad Mirzəyev

London Siti Universiteti - CASS Biznes Məktəbi

Rəşad Azərbaycan Beynəlxalq Layihələr Assosiasiyasının vitse-prezidenti və marketinq konsaltinqi, İT, e-ticarət və SMS həlləri sahəsində əsas oyunçu olan ATL Group-un təsisçisidir.

Bu ilin münsifləri ilə tanış olun

Ceyms Şarp

Ceyms Şarp 2019-cu ilin sentyabrından Böyük Britaniyanın Azərbaycan Respublikasındakı səfiri vəzifəsinə təyin edilib. O, daha öncə Xarici İşlər Nazirliyinin Şərqi Avropa və Mərkəzi Asiya Direktoratında siyasi müşavir, Böyük Britaniyanın Qazaxıstanda səfiri və Qırğızıstanda qeyri-rezident səfir vəzifələrində işləyib.

Frensis Qardener-Trexo

Francis Gardener-Trejo hazırda British Council-ın Azərbaycandakı direktoru olan gənclər və daha geniş cəmiyyət üçün mədəni əlaqələrin transformativ potensialının müdafiəçisidir. Bakıya köçməzdən əvvəl o, MENA, Aİ və Geniş Avropa üçün hökumət əlaqələri, strategiya və riskləri idarə edib.

Bəxtiyar Aslanbəyli (Sosial Faəliyyət)

Bəxtiyar Aslanbəyli BP-nin əlaqələr, xarici işlər və strategiya və Azərbaycan, Gürcüstan və Türkiyə regionu üzrə vitse-prezidentidir. Cənab Aslanbəyli peşəkar fəaliyyəti ilə yanaşı Bakı Dövlət Universiteti, ADA və BANM-da dəvətli mühazirəçi kimi də çalışır. Cənab Aslanbəyli Azərbaycanın neft-qaz sənayesinin inkişafına verdiyi töhfəyə görə Azərbaycan Respublikasının Prezidenti tərəfindən Tərəqqi medalı (2017) ilə təltif edilib.

Əminə Məlikova (Mədəniyyət və Yaradıcılıq)

Əminə Məlikova Azərbaycanda İçərişəhər Muzey Mərkəzinin direktorudur. O, 20 ildən artıq muzey səhnəsində çalışıb, “Neft və incəsənət”, “Kəlağayı sənəti”, “Dünya muzeylərində Şirvanşahlar irsi” kimi kitabların müəllifidir.

Rəfiqə Hüseynzadə (Elm və Davamlılıq)

Rəfiqə Hüseynzadə SOCAR-ın ekologiya üzrə vitse-prezidentidir. 60 məruzə və tədqiqat işinin müəllifidir. O, həmçinin Azərbaycan Respublikasının Prezidenti tərəfindən “Tərəqqi” medalı və “Əməkdar Mühəndis” fəxri adına layiq görülüb.

Rüfət Əzizov (Biznes və İnnovasiya)

Rüfət Əzizov London Materiallar İnstitutunun peşəkar üzvü (İntizamlı Alim), Təhsil Nazirliyi yanında Azərbaycan Respublikası Təhsil İnstitutunun direktorudur.

See also

Əlaqəli linklar

Share this