Biz Cultural Associates Oxford ilə birlikdə mədəniyyət və yaradıcılıq sahələrində çalışan və siyasətlərin hazırlanmasına maraq göstərən peşəkarları "Yaradıcı iqtisadiyyatın dəstəklənməsi" onlayn təlim proqramında iştirak etmək üçün açıq müsabiqəyə dəvət edirik. Müsabiqədə iştirak etmək üçün 13 iyun 2022-ci il tarixindən 8 iyul 2022-ci il, saat 12:00-dək (GMT+1) müraciət etmək mümkündür.
Proqram haqqında
"Yaradıcı iqtisadiyyatın dəstəklənməsi: tənzimləyici qurumlar üçün proqram" mədəniyyət və yaradıcılıq sahələrində çalışan peşəkarların doqquz həftə ərzində müstəqil şəkildə onlayn təlim proqramı vasitəsilə öyrənməsini təmin edir. Proqramda Albaniya, Azərbaycan, Ermənistan, Bosniya və Herseqovina, Gürcüstan, Qazaxıstan, Kosovo, Şimali Makedoniya, Monteneqro, Serbiya, Türkiyə, Ukrayna və Özbəkistandan olan mütəxəssislər iştirak edə bilər. O, peşəkarlara yaradıcı iqtisadiyyat haqqında biliklərinin əsasında bu sahədə siyasət hazırlaması üçün məlumatlar, tematik araşdırmalar və praktiki biliklər verəcək. Proqram iştirakçıları şəhər/region/ölkələrində yaradıcılıq və mədəniyyət sahələrini dəstəkləmək üçün yeni ideya və alətlərlə təmin edəcək, habelə Birləşmiş Krallıqla əlaqələri və qlobal peşəkar şəbəkələri genişləndirməyə xidmət edəcək.
Proqram 25 iyul tarixindən 25 sentyabr 2022-ci il tarixinədək doqquz həftə ərzində onlayn formatda keçiriləcək və iştirakçıların şəbəkələr yaratması və ideya mübadiləsi ilə məşğul olması üçün üç canlı sessiya ilə tamamlanacaq. Hər bir modulun, o cümlədən əsas məzmun və təlim fəaliyyətlərinin tamamlanması iki saatadək vaxt tələb edəcək. Bütün proqramı tamamlamış iştirakçılar British Council və Cultural Associates Oxford-dan kursun tamamlanması haqqında sertifikat alacaq. Proqrama burada nəzər sala bilərsiniz.
Əlavə məlumat əldə etmək üçün əlaqə saxlayın: arts.info@britishcouncil.org