British Council Azərbaycan 2013-cü ilin aprel ayının 1-dən qlobal SIEM (Beynəlxalq Təhsil Marketinqi Xidmətləri) təşəbbüsünə qoşulub. Bu təşəbbüs çərçivəsində biz Birləşmiş Krallıqda təhsil almaq istəyən şəxslər üçün Azərbaycanda müxtəlif tədbir və fəaliyyətlər həyata keçiririk:
SƏRGİLƏR
Son 3 il ərzində British Council Azərbaycanda 7 dəfə Birləşmiş Krallıqda Təhsil sərgisini təşkil edib. İndiyə qədər Britaniyanın 80-dən artıq fərqli təhsil brendinin iştirak etdiyi sərgilərdə 12 000-dən artıq ziyarətçi iştirak edib və onlar Britaniya təhsil sistemi, təqaüd və təhsil proqramları ilə bağlı faydalı məlumatlar əldə ediblər. Bizim növbəti sərgimiz 2017-ci ildə Birləşmiş Krallığın universitetləri, məktəbləri, kollecləri və dil kurslarının iştirakı ilə keçiriləcək. Keçirilən sərgilər ilə bağlı ətraflı məlumat üçün bu linkə daxil ola bilərsiniz.
Birləşmiş Krallıqda Təhsil Sərgisi mobil proqramını pulsuz əldə edə bilərsiniz.
British Council-ın Təhsil agentləri üçün təlimi
British Council Birləşmiş Krallığın təhsil müəssisələrini təmsil edən təhsil agentlərinin fəaliyyətini dəstəkləyir. Bizim təhsil agentləri və ya məsləhətçiləri ilə fəaliyyətimiz onların peşəkar inkişafını və keyfiyyətli işini dəstəkləmək məqsədilə həyata keçirilir.
British Council-ın Təhsil agentləri üçün təlim proqramı iki səviyyədə həyata keçirilir:
- Təhsil Agentləri üçün Foundation (Başlanğıc səviyyə) sertifikatı (The British Council Foundation Certificate for Agents)
- Təhsil Agentləri üçün Advanced (Peşəkar səviyyə) sertifikatı (The British Council Advanced Certificate for Agents)
Onlayn kurs və qeydiyyat barədə ətraflı məlumatı buradan əldə edə bilərsiniz. Təlim kursu ödənişlidir.
TƏQDİMATLAR, ELANLAR VƏ YENİLİKLƏR
Biz Birləşmiş Krallıq universitetlərinə tədbirləri, kursları və digər təklifləri ilə bağlı elanlarını British Council Azərbaycanın onlayn resurslarında yerləşdirmək imkanını yaradırıq. Birləşmiş Krallıq universitetləri, kollecləri və məktəbləri müəyyən vaxtlarda British Council-in ofisində seminarlar və təqdimatlar həyata keçirir. Biz həmin seminarlar barəsində internet və rəsmi Facebook səhifələrimizdə və Twitter hesabımızda qabaqcadan elan verir və tədbirlərə iştirakçıların öncədən qeydiyyatını aparırıq.
XARİCDƏ TƏHSİL XİDMƏTİ GÖSTƏRƏN AGENTLƏRLƏ ƏMƏKDAŞLIQ
Biz Azərbaycanda fəaliyyət göstərən xaricdə təhsil təşkilatlarının əməkdaşları olan agentlər üçün təlimlər keçirir, onlar üçün Birləşmiş Krallığa təhsil ilə bağlı tanışlıq səfərləri təşkil edirik.
MƏZUN ŞƏBƏKƏSİ
2005-ci ildə təsis edilmiş Azərbaycan-Britaniya Məzunları Assosiasiyası xüsusi təhsil proqramları çərçivəsində Birləşmiş Krallığa səfər etmiş Azərbaycanlı mütəxəssisləri bir araya gətirir. Biz müxtəlif layihə və tədbirlərdə, habelə sərgi və təqdimatlarda Birləşmiş Krallıq məzunları ilə əməkdaşlıq edirik.
TƏHSİL MARKETİNQİ ARAŞDIRMALARI
Azərbaycan təhsil sənayesində dinamik dəyişikliklər baş verməkdədir. Birləşmiş Krallıqdan olan partnyorlarımızın sorğuları əsasında mütəmadi olaraq təhsil sənayesi bağlı ən son məlumatları təqdim edirik.
AZƏRBAYCANIN ALİ TƏHSİL MÜƏSSİSƏLƏRİ İLƏ ƏMƏKDAŞLIQ
Biz qlobal SIEM və IHE layihələri çərçivəsində ali təhsil müəssisələri ilə əlaqələrimizi gücləndiririk.
MƏSLƏHƏTLƏŞMƏLƏR
Biz Birləşmiş Krallığın təhsil müəssisələri üçün nəzərdə tutulmuş xüsusi görüş proqramları təşkil edirik.
Azərbaycanda SIEM xidmətləri ilə əlaqədar ətraflı məlumat üçün Təhsil işləri üzrə icraçı Nigar Nəsrullayeva ilə əlaqə saxlayın.