IELTS General Training testini keçin

Müddət: 30 dəqiqə, və cavablarınızı cavab vərəqinə köçürmək üçün üstəgəl 10 dəqiqə.

Format: Müxtəlif aksentlərdə 4 audio yazı. Cavablarınızı aşağıdakılardan istifadə edərək yazmalısınız:

• çoxlu seçim (multiple choice)
• uyğunluq
• sxemin işarələnməsi
• cümlənin tamamlanması.

İngilis dilinin daşıyıcısı olan dörd nəfərin səsini dinləyəcək, sonra bir sıra suallara cavab yazacaqsınız.

• Səs yazısı 1 – iki nəfər arasında sosial məzmunda gündəlik söhbət. 
• Səs yazısı 2 – gündəlik sosial kontekstdə monoloq, məsələn, yerli obyektlər haqqında çıxış. 
• Səs yazısı 3 – dörd nəfər arasında təhsil və ya tədris kontekstində söhbət, məsələn, universitet müəllimi və tələbə tapşırığı müzakirə edirlər.
• Səs yazısı 4 – akademik mövzuda monoloq, məsələn, universitet mühazirəsi.

Qiymətləndiricilər əsas ideyaları və ətraflı faktiki məlumatları, natiqlərin düşüncələri və münasibətlərini, nitq fraqmentinin məqsədini anlamaq və ideyaların inkişafını izləmək qabiliyyətinizin sübutunu axtaracaqlar.

Müddət: 60 dəqiqə

Format:

Tapşırıqlarla birlikdə üç mətn parçası:

• Bölmə 1 - faktlara əsaslanan iki və ya üç qısa mətn
• Bölmə 2 - faktlara əsaslanan, işlə əlaqədar iki qısa mətn
• Bölmə 3 - ümumi mövzuda nisbətən geniş həcmli bir mətn

Oxuma bölməsi çoxsaylı oxu bacarıqlarını yoxlamaq üçün hazırlanmış 40 sualdan ibarətdir. Bunlara əsas fikirləri oxumaq, təfərrüatları anlamaq, ötəri oxumaq, məntiqi arqumenti başa düşmək və müəlliflərin fikirlərini, münasibətlərini və məqsədlərini anlaya bilmək daxildir.

Bura kitab, jurnal, qəzet, bildiriş, reklam, şirkətlərin məlumat kitabçalarından və təlimatlarından çıxarışlar daxildir. Bunlar İngilis dilli mühitdə hər gün qarşılaşa biləcəyiniz materiallardır.

Müddət: 60 dəqiqə

Format:

• Məktub yazmaq tapşırığı (minimum 150 söz).
• Qısa inşa tapşırığı (minimum 250 söz).

Mövzular ümumi səciyyəlidir. İki tapşırıq verilir:

• Tapşırıq 1 - sizə bir vəziyyət təqdim olunacaq və sizdən məlumat xahiş edən və ya vəziyyəti izah edən məktub yazmaq tələb olunacaq. Məktub şəxsi, yarı formal və ya formal üslubda yazıla bilər. 
• Tapşırıq 2 – sizdən hansısa nöqteyi-nəzər, arqument və ya problemə münasibət bildirən inşa yazmaq tələb olunacaq. Üslubi baxımdan inşa müəyyən qədər şəxsi mövqedən yazıla bilər.

Müddət: 10 - 15 dəqiqə

Format:

• Üz-üzə müsahibə. 
• Qısa suallar və tanış mövzu haqqında ətraflı danışmaq.

Xahiş edirik, nəzərə alın: İmtahan mərkəzinin yerindən asılı olaraq, sizdən imtahanınızın Danışıq bölməsini fərqli gündə bron etmək tələb oluna bilər. Danışıq bölməsi İngilis dilində şifahi nitqinizi qiymətləndirir. Hər bir test zamanı səsyazma aparılır.

• Hissə 1 - imtahanı götürən şəxs sizə özünüz barədə, həmçinin ev, ailə, iş, təhsil və maraq dairəsi kimi tanış mövzular haqqında ümumi suallar verəcək. Bu hissə dörd-beş dəqiqə davam edir. 
• Hissə 2 - sizə müəyyən mövzu haqqında danışmağı xahiş edən kart veriləcək. İki dəqiqəyə qədər danışmazdan əvvəl hazırlaşmaq üçün bir dəqiqəniz olacaq. Sonra imtahan götürən eyni mövzuda bir və ya iki sual soruşacaq.
• Hissə 3 - sizə 2-ci Hissədə danışılan mövzu haqqında əlavə suallar veriləcək. Bu, sizə daha mücərrəd fikirləri və məsələləri müzakirə etmək imkanı verəcək. İmtahanın bu hissəsi dörd-beş dəqiqə davam edir.