Avropada təhsil almaq istəyirsiniz? IELTS məqsədinizə çatmağa sizə kömək edəcək.
Avropada minlərlə bakalavr, magistratura və doktorantura (PhD) proqramlarının tamamilə və ya qismən ingilis dilində tədris edildiyini bilirdinizmi? Avropanın bir çox ali təhsil müəssisələri, o cümlədən çoxlu sayda özəl və dövlət universitetləri IELTS imtahanını ingilis dili üzrə giriş tələblərinin bir hissəsi kimi qəbul edir.
IELTS beynəlxalq miqyasda tanınır və ingilis dilində kurslar təklif edən bir çox universitetlər tərəfindən qəbul edilir, ona görə də öz ölkənizdə təhsil almağı planlaşdırdığınız halda belə aktualdır.
Avropadakı işəgötürənlər, peşəkar təşkilatlar və dövlət müəssisələri də IELTS imtahanının ingilis dilini başa düşmək, ingilis dilində oxuma, yazma və danışma bacarığınızı dəqiq əks etdirdiyini qəbul edirlər.
Avropada IELTS imtahan nəticələrini hansı qurumların qəbul etdiyini öyrənin.
Almaniyada təhsil
Almaniya Münhendə Oktoberfestdən, Kölndə karnavaldan tutmuş Berlindəki tarixi yerlərə qədər bir çox mədəni xüsusiyyətləri ilə məşhurdur. Burada hər kəs özü üçün bir şey tapa bilər.
Almaniyada təhsil almağı seçsəniz, onun Avropanın mərkəzində yerləşməsindən yararlana və bütün Şengen zonasında vizasız səyahət edə bilərsiniz. Bu ölkə də həmçinin dünyada beynəlxalq tələbələr üçün xərclər baxımından ən sərfəli ölkələrdən biridir, çünki dövlət universitetləti ödənişsizdir və tələbələr yalnız cüzi inzibati və semester ödənişləri edirlər.
Almaniyanın bir çox universitetləri, xüsusən də tətbiqi elmləri tədris edən universitetlər əsas diqqəti praktiki öyrənməyə yönəldir və tələbələrə real iş təcrübəsi təklif etmək üçün biznes müəssisələri ilə tərəfdaşlıq edir, bununla da məzunlarının biznes aləminə hazır olmasını təmin edir.
IELTS Alman universitetlərində ingilis dili biliyinizi sübut etmək üçün üstünlük verilən vasitələrdən biridir.
Almaniyada IELTS imtahan nəticələrini hansı qurumların qəbul etdiyini öyrənin.
Fransada təhsil
Fransanı tələbə kimi araşdırmaqla dünyagörüşünüzü inkişaf etdirə və digər mədəniyyətləri və tarixi qiymətləndirə bilərsiniz. Öz mədəniyyəti, mətbəxi, incəsənəti və gecə həyatı ilə tanınan bu ölkə beynəlxalq tələbələr üçün cəlbedici bir məkandır.
Onun həmçinin qonşu ölkələrlə əla əlaqələri var, bu isə sizə Avropa və onun hüdudlarından kənardakı ölkələr barədə daha çox öyrənməyə imkan verir. Təhsil baxımından Fransa ingilis dilində tədris olunan 1600-dən çox kurs ilə əla multikultural və ünsiyyət imkanlı təhsil təcrübəsi təklif edir.
Fransanın aparıcı universitetləri, özəl kollecləri və digər ali təhsil müəssisələri, eləcə də özəl işəgötürənləri və dövlət müəssisələri (o cümlədən, ASEP) IELTS nəticələrini fərdin ingilis dilində ünsiyyət qurmaq bacarığının etibarlı göstəricisi kimi tanıyır.
Fransada IELTS imtahan nəticələrini hansı qurumların qəbul etdiyini öyrənin.
İtaliyada təhsil
İtaliyada təhsil almaq qərarına gəlmiş tələbələr ləzzətli yeməklərdən, mədəniyyətdən, tarixdən, eləcə də mehriban qarşılanmadan zövq alacaqlar. Ölkəboyu səyahət çox asandır və demək olar ki, xərclər baxımından sərfəlidir. Bütün bunlar sizə İtaliyanın əsrarəngiz sahillərini və Roma, Milan, Neapol və Venesiya kimi böyük şəhərlərini dəmiryolu və avtobusla kəşf etməyə imkan verir.
İtaliya beynəlxalq təhsil üçün əla məkandır və Avropanın təhsil mərkəzi kimi tanınır. Roma, Boloniya, Milan və Florensiya kimi böyük şəhərlərdəki universitetlər ingilis dilində tədris olunan geniş seçimli kurslar təklif edir. Tələbələr hətta ingilis və italyan dillərində qarışıq tədris olunan kursları da seçə bilərlər.
IELTS sayəsində İtaliyada təhsil almaq xəyalınızı gerçəkləşdirə bilərsiniz.
İtaliyada IELTS imtahan nəticələrini hansı qurumların qəbul etdiyini öyrənin.
Niderlandda təhsil
Niderlandın hələ də dünyanın ən xoşbəxt ölkələri sırasında yer aldığını və bu yaxınlarda dərc edilmiş 2023-cü il üzrə Dünya Xoşbəxtlik Hesabatında beşinci yerdə olduğunu bilirdinizmi?
Bu ölkə, həmçinin digər Avropa ölkələri ilə əla əlaqələri ilə məşhurdur, bu isə təhsil aldığınız müddətdə sizə səyahət etmək sərbəstliyi verir. Bir çox istiqamətləri seçə və həftə sonunuzu Berlin, Paris və ya Brüsseldə keçirə bilərsiniz.
Holland dilini bilmirsiniz? Narahat olmayın! Əhalinin 95%-i ingilis dilində danışır. Bu da o deməkdir ki, onlarla ünsiyyət qurmaq asandır və Niderland universitetlərində ingilis dilində tədris olunan çoxsaylı (2000-dən çox) kurslar var.
İngilis dilini öyrənmək üçün çoxlu imkanlar təklif etməklə yanaşı, hollandlar tədrisə interaktiv və tələbə yönümlü yanaşmaları ilə məşhurdurlar. Bu da o deməkdir ki, tələbələr problemlərin həll edilməsindən yaradıcı təfəkkürə qədər bir sıra bacarıqları inkişaf etdirirlər.
Niderlandda IELTS imtahan nəticələrini hansı qurumların qəbul etdiyini öyrənin.
İspaniyada təhsil
İspaniya müxtəlif xüsusiyyətlərə və planetin ən gözəl iqlimlərindən birinə malik unikal ölkədir.
İspanlar icma yönümlüdürlər və mehriban və qonaqpərvər təbiətləri ilə məşhurdurlar. Buna görə də ölkə evdən uzaqda ev axtaran beynəlxalq tələbələr üçün əla bir yerdir.
45-i dövlət tərəfindən idarə olunan 76 universiteti ilə İspaniya beynəlxalq tələbələr üçün geniş seçim təklif edir. Tədrisə innovativ və kommersiya yönümlü yanaşması sayəsində o, xaricdə təhsil üçün populyar məkana çevrilib və hər il təxminən 100000 nəfər beynəlxalq tələbə cəlb edir.
İspaniyada təhsil almağı düşünürsünüz? IELTS ilə xəyalınızı gerçəkləşdirə bilərsiniz.
İspaniyada IELTS imtahan nəticələrini hansı qurumların qəbul etdiyini öyrənin.