Film haqqında
Müasir film istehsalının heyrətamiz nümunəsi olan "Şlyapalı kişi" Fransanın nəfəskəsici mənzərələrinin fonunda cərəyan edən musiqi, təhkiyə və səssiz komediyanın möhtəşəm vəhdətindən ibarətdir.
Şlyapalı kişi (Kiran Haynds) naməlum qadının çərçivəli fotoşəkli ilə Fiat 500 avtomobilində Fransada səyahət edir. Onu Citroën Dyane avtomobilində beş qəzəbli kişi izləyir. Onlar şlyapalı kişini niyə izləyir? Və o, təqibçilərindən canını necə qurtaracaq?
O, Fransa dağları, dərələri və körpülərindən keçərək şimala doğru gedərkən sevgi və itki hekayələri eşidir, Otis Reddinq və Kanteluba qulaq asır və İslanmış kişi (Stiven Dilan), Aşpaz (Muna Otaru) və Motosikletçi (Mayvenn) kimi maraqlı adamlarla rastlaşır. O, izi ilə dayanmadan hərəkət edən təqibçilərindən qaçmağa çalışarkən köhnə qitədəki köhnə ölkənin inanılmaz qəribəlikləri ilə üzləşir.
Necə izləməli
"Şlyapalı kişi" filmi Martın 4-ü saat 18.30-da Nizami Kino Mərkəzində orijinal versiyada nümayiş olunacaq. Film biletinin qiyməti 2 AZN təşkil edir. Biletləri Nizami Kino Mərkəzinin kassalarından əldə edə bilərsiniz.