British Council Azərbaycanda peşə təhsili sahəsində turizm və kənd-təsərrüfatı istiqamətləri üzrə bir neçə layihə həyata keçirir.
Layihələrimiz çərçivəsində peşə təhsili sektoru üçün tədris vəsaitləri hazırlanır, müəllimlərin bilik və bacarıqlarının artırılması məqsədilə təlimlər keçirilir və iş üzrə təcrübəyə əsaslanan proqramlar tətbiq edilir. Layihələrin həyata keçirilməsində gənclərin iş imkanlarının artırılması məqsədilə biz dövlət və özəl müəssisələr arasında əməkdaşlığın inkişafına dəstək göstəririk.
Peşə təhsili sahəsində həyata keçirdiyimiz layihələrlə tanış olmaq üçün aşağıdakı səhifələrə baxa bilərsiniz:
Turizm-xidmət sahəsi üzrə kadrların təkmilləşdirilməsi və İş üzrə təcrübə Proqramı
Bu sorğunu keçirməyimizdə əsas məqsəd peşə təhsili sahəsində həyata keçirdiyimiz proqramların təkmilləşdirilməsi məqsədilə peşə təhsili almış tələbələrin təhsil təcrübələri ilə tanış olmaqdır.
Peşə təhsili müəssisələrinin şagirdlərinin diqqətinə! Xahiş edirik işədüzəlmə bacarıqları və imkanları barədə olan bu sorğunu tamamlayasınız. Sorğunu tamamlayan şəxslər arasından təsadüfi seçilən iki şagirdə elektron kitab hədiyyə ediləcək. Sorğunun tamamlanması üçün son tarix 19 mart, 2018-ci ildir.