British Council-in “Tədqiqatçı Əlaqələri” layihəsi çərçivəsində 25-28 mart 2014-cü il tarixlərində Xəzər Universitetində yuxarıda göstərilən mövzu üzrə seminar keçiriləcək. Seminarın koordinatorları Nottingham Universitetindən Professor Hovard Stevenson və Xəzər Universitetindən Dr. Elza Səmədovadır. Eyni zamanda seminara aparıcı tədqiqatçılar Nottingham Universitetindən Professor Tony Brush və Professor Chris Day, həmçinin Xəzər Universitetindən professor Hamlet İsaxanlı öz töhfələrini verəcəklər.
Biz böyük məmnuniyyətlə Birləşmiş Krallıqdan və Azərbaycandan təqdiqatçı karyerasında gənc olan şəxsləri bu seminarda iştirak etməyə dəvət edirik. Qeyd edək ki, seminarda iştirak ilə bağlı bütün səyahət, yerləşdirmə və qidalanma xərcləri “Tədqiqatçı Əlaqələri” layihəsi tərəfindən qarşılanacaq. Əgər bu seminara qatılmaq niyyətindəsinizsə, o zaman seminar haqqında ətraflı məlumatın da olduğu ərizə formasını buradan yükləyə bilərsiniz. Daha sonra 24 yanvar 2014-cü il tarixindən gec olmayaraq Birləşmiş Krallıqdan doldurulmuş ərizə formaları Professor Hovard Stevenson-a, Azərbaycandan doldurulmuş formalar isə Raziya İsayevaya göndərilməlidir.