British Council 22 aprel 2016-cı il tarixində Xəzər Universiteti ilə birgə Uilyam Şekspirə həsr olunmuş “Şekspir Dünyada” mövzusunda konfrans keçirəcək.
Konfrans Şeksprin ölməz ilhamverici yaradıcılığının əhatə dairəsinin tarixi və coğrafiyasına, eləcə də 2016-cı ildə onun ölümünün 400 illiyi ilə bağlı həyata keçirilən fəaliyyətlərə nəzər yetirəcək.
Tədbirin spikerləri arasında Birləşmiş Krallıqdan, Azərbaycandan və Gürcüstandan olan akademik işçilər və tədqiqatçılar olacaq. Akademik yönümlü təqdimatlara əlavə olaraq konfransda tələbələrin təqdimatları, film və qısa dram səhnələrinin nümayişi olacaq.
Konfrans Şekspirin ölümünün 400 illiyi günündən bir gün öncə 22 aprel tarixində Xəzər Universtitenin ‘Mərmər’ zalında keçiriləcək. Tədbir hər kəsin iştirakı üçün açıqdır.