Ölkə: Birləşmiş Krallıq
İl: 2015
Dil: İngilis dili
Tərcümə: Rus dilində altyazılar
Müddət: 2 saat 47 dəqiqə
Yaş məhdudiyyəti: 16+
Kennet Brana Teatr Kompaniyasının səhnələşdirdiyi Şekspirin "Qış Nağılı"-ı izləyin. Baş rollarını ser Kennet Brananın və Oskar mükafatına layiq görülmüş Cudi Dençin ifa etdiyi tamaşa Londonun Qarrik teatrından yayımlanacaq. Şekspirin qısqanclıq və peşmanlıqdan bəhs edən ölməz tragikomediyasını Mançester və Manhettendə möhtəşəm "Makbet" tamaşası ilə tamaşaçılarını heyran qoymuş Rob Eşford və Kennet Brana müştərək olaraq səhnələşdirib. Tamaşada Paulina rolunu Cudi Denç, Leont rolunu isə Kennet Brana ifa edir. "Qış nağılı"-ın nümayişi 23 fevral 2016-cı il tarixində, saat 19:00-da Nizami Kino Mərkəzində (Bülbül prospekti 20) baş tutacaq. Biletləri Nizami Kino Mərkəzinin kassalarından əldə edə bilərsiniz. Biletlərin qiyməti 20 manatdır. Biletlərin sayı məhduddur.