İstehsalçı ölkə: Böyük Britaniya
Buraxılış ili: 2017
Janr: teatr tamaşası
Dil: İngilis dili
Tərcümə: rus dilində altyazılar
Müddət: 2 saat 43 dəqiqə
Yaş həddi: 16+
Janna d'Ark obrazını Cemma Arterton canlandırır. Tamaşa "Donmar Warehouse" teatrının səhnəsindən canlı yayımlanır.
Bernard Şounun klassik pyesində ingilislərin Fransadan qovulması missiyasını qısa həyatının əsas işinə çevirən gənc kənd qızının həyatından və keçdiyi ağır sınaqlardan bəhs edilir. İlk protestantlardan və millətçilərdən biri olan bu qızcığaz bütün Avropa ərazisində feodal cəmiyyətinin və katolik kilsəsinin strukturuna qarşı çıxır.
Cozi Rurkun ("Koriolan" (Coriolanus), "Təhlükəli əlaqələr" (Les Liaisons Dangereuses)) səhnələşdirdiyi tamaşada baş rolu Cemma Arterton ("Cemma Boveri" (Gemma Bovery), "Nell Qvin" (Nell Gwynn), "Daqenhamda istehsal olunub" (Made in Dagenham)) ifa edir.
Biletlərin qiyməti 12 AZN-dir. Biletləri onlayn və ya Park Cinema Alov Qüllələrinin kassalarında əldə edə bilərsiniz.