İstehsalçı ölkə: Birləşmiş Krallıq
Buraxılış ili: 2017
Janr: teatr tamaşası
Dil: İngilis dili
Tərcümə: ingilis dilində altyazılar, rus dilində altyazılar
Müddət: 3 saat 30 dəqiqə
Yaş həddi: 16+
Stiven Sondheimin əfsanəvi müzikli ilk dəfə olaraq Milli Teatrda səhnələşdirilir və kinoteatrlarda canlı yayımlanır.
Nyu York, 1971-ci il. Veysman Teatrının səhnəsində bayram ab-havası hökm sürür. Sabah tarixi bina söküləcək. Sonuncu çıxışdan 30 il sonra "Follies" qızları bir qədər içki qəbul etmək, bir neçə mahnı ifa etmək və özləri haqqında yalan danışmaq üçün bir araya gəlir.
Treysi Bennet, Ceni Di və İmelda Stonton bu yeni, valehedici tamaşada füsunkar "Follies" qızlarını canlandırır. Dominik Kukun (Səhvlər komediyası) rejissorluq etdiyi tamaşada 37 nəfərdən ibarət aktyor heyəti, 21 nəfərdən ibarət orkestr yer alır.
Akademiya, Toni, Qremmi və Olivye mükafatlarının laureatı olan Sondheimin əvvəlki işləri sırasına "Kiçik gecə serenadası", "Suini Todd" və "Bazar günü Corcla birlikdə parkda" daxildir.
Biletlərin qiyməti 12 AZN-dir. Biletləri onlayn və ya Park Cinema Alov Qüllələrinin kassalarında əldə edə bilərsiniz.