IELTS nəticələri

Siz əsas imtahan tarixindən 13 gün sonra öz nəticələrinizlə onlayn qaydada tanış ola bilərsiniz:

IELTS Test Hesabat Formasını (eyni zamanda sizin Sertifikatınız hesab olunur) isə  imtahan nəticəsi onlayn şəkildə elan olunduqdan sonra həftənin yalnız Bazar Ertəsi və Cümə günləri saat 14:30-17:30-da British Council ofisindən ala bilərsiniz. Siz öz nəticələrinizi telefonla, yaxud electron poçtu və ya faks vasitəsi ilə əldə edə bilməzsiniz.

Sizə İmtahan Hesabatı Formasının bir nüsxəsi təqdim olunacaq. Nəzərinizə çatdırmaq istəyirik ki, siz bu nüsxədən əlavə İmtahan Hesabatı Formasını əldə edə bilməyəcəksiniz.

Bununla belə, 2 il müddətində Siz (imtahan verdiyiniz mərkəzlə) əlaqə saxlayaraq İmtahan Hesabatı Formasının istədiyiniz təşkilat və universitetə, British Council vasitəsilə göndərilməsi üçün müraciət edə bilərsiniz.

Biz, həmçinin, müvafiq hüquqi və fiziki şəxslərə (məsələn, universitetlərə, miqrasiya məmurlarına) İmtahan Hesabatı Formasının original nüsxələrinin (ən çoxu 5 nüsxə) göndərilməsini təşkil edə bilərik. Əgər bunun təşkil edilməsini istəyirsinizsə, qeydiyyat zamanı müvafiq ünvanları göstərməlisiniz.

Əgər qeydiyyatdan keçərkən həmin təşkilatların ünvanlarını düzgün göstərməmisinizsə, bizim ünvan dəyişikliyi formamızı yükləməklə ünvanı dəyişə bilərsiniz.

Təşkilatlar üçün İmtahan Hesabatı Formanızın əsli tələb olunacaq. İmtahan Hesabatı Formasının fotosurətləri qəbul edilməyəcək.

Təşkilatlar namizədlərin topladığı ballarla IELTS İmtahan Hesabatı Formasının (İHF) Təsdiqlənməsi Mərkəzi vasitəsi ilə tanış ola bilərlər. Bunun üçün onlara  İmtahan Hesabatı Formasının nömrəsi tələb olunacaq. Bu nömrə Sizin İmtahan Hesabatı Formanızın aşağı sağ küncündə göstərilir.

Sizin İmtahan Hesabatı Formanızın etibarlılıq müddəti

Adətən, təşkilatlar 2 ildən artıq müddət keçmiş İmtahan Hesabatı Formasını qəbul etmirlər. 2 il keçdikdən sonra Siz imtahan verdiyiniz tarixdən etibarən öz ingilis dili biliyinizi təkmilləşdirdiyinizi və ya tətbiq etdiyinizi təsdiqləyən sənəd təqdim etməlisiniz.

IELTS ingilis dili biliyinin bütün səviyyələri üzrə nəticələri təqdim edir. İmtahandan keçmək, yaxud imtahanda kəsilmək anlayışı yoxdur. Siz imtahanın hər bir hissəsi üçün – Dinləmə, Oxu, Yazı və Danışıq imtahanlarının nəticələri üzrə 0-dan 9-dək balla qiymətləndiriləcəksiniz. 

IELTS ballarının başa düşülməsi və 9 ballıq sistem haqqında məlumatı bu mənbədən əldə edə bilərsiniz.

IELTS ballarının, Avropa Şurasının Ümumi Avropa İstinad Çərçivəsi (CEFR) ilə əlaqəsi haqqında məlumatı bu mənbədən əldə edə bilərsiniz.

Əgər topladığınız ballar haqqında sualınız varsa, Siz öz imtahan nəticələrinizin yenidən qiymətləndirilməsi ilə əlaqədar, imtahan tarixindən sonrakı 6 həftə ərzində bizim Nəticələr haqqında Sorğu Xidmətimizə müraciət edə bilərsiniz. Siz imtahanın hansı hissəsinin nəticələrinin yenidən qiymətləndirilməli olduğunu Nəticələr haqqında Sorğu formasında seçə bilərsiniz.  

Nəticələr haqqında Sorğu Xidmətinin dəyəri 250 AZN-dir. İmtahan nəticələrinizin yenidən qiymətləndirilməsi zamanı topladığınız balların cəmi dəyişildikdə, bu məbləğ Sizə qaytarılacaq. Sizin nəticələriniz yenidən yoxlanışa göndərilən hissələrin sayından asılı olaraq 2 - 21 gün ərzində elan ediləcək. Əgər siz 28 gün ərzində hər hansı bir cavab almasanız, bizimlə əlaqə saxlayın. Bu xidmətin işi haqqında əlavə məlumat almaq üçün bizimlə əlaqə saxlaya bilərsiniz.

Siz istədiyiniz qədər imtahan verə bilərsiniz. Bununla belə, nəzərə alın ki, topladığınız balları daha da yaxşılaşdırmaq üçün təhsilinizi davam etdirmək lazımdır. IELTS tədqiqatları göstərir ki, ingilis dilinin tədrisi davam etdirilmədikdə, toplanan ballar artmır.