Selector Live təqdim edir: Şineyd O'Brayan xüsusi olaraq Selector PRO forumunda öz ifası ilə çıxış edəcək
Ötən il, musiqi sektoru da daxil olmaqla bir çox biznes sahələri üçün olduqca ağır il oldu. British Council Music Export Ukrayna ilə birlikdə, pandemiya səbəbindən ortaya çıxan maneələrə cavab olaraq, beynəlxalq musiqi sektoru forumu olan Selector PRO'nun onlayn buraxılışını təqdim edir.
Böyük Britaniya sənətçilərinin canlı çıxışları, hal-hazırki şərtlər altında belə daim sadiq qaldığımız, forumun ayrılmaz hissəsi olmuşdur. Selector Live konsertlər silsiləsi, VA konsert agentliyinin də dəstəyilə, Böyük Britaniyadan canlı olaraq Şineyd O'Brayanın ifasını təqdim edir.
Konsert canlı olaraq 12 Fevral, 21.00 tarixində, bu veb səhifədə nümayiş etdiriləcəkdir. Yeniliklərdən xəbərdar olmaq üçün Facebook səhifəmizə qoşulun.
Ən son yeniliklərdən xəbərdar olmaq və digərləri ilə əlaqə yaratmaq istəyirsinizsə, bizi Facebook, Twitter və Instagram səhifələrimizdən izləyin.
Şineyd O'Brayan özünəməxsus musiqilərinin sözlərini öz müşahidələri əsasında, Mark E.Smith of The Fall, Patti Smith and the Slits, Frank O'Hara, W.B Yeats və Albert Camus kimi müəlliflərdən ilhamlanaraq yazır. İndiyədək onun bəstələri The Guardian, Loud and Quiet, The Quietus, Stereogum, BBC Radio 6 Music kimi yayım evləri tərəfindən yüksək qiymətləndirilmişdir. Bundan əlavə, O'Brayanın məqaləsi, məzunları arasında T.S Eliot, Sylvia Plath və William Burroughs'un da olduğu, sayılıb-seçilən London Jurnalı tərəfindən də dərc edilmişdir.
"Daim dəyişməkdə olan post-punk haqqında sirli nitqlər söyləyən olduqca parlaq gələcəyə sahib irlandiyalı nəğməkar Sprechgesang tərzinin diçəlişini davam etdirir." - The Guardian
Patti Smith kimi bir gitara müşaiyətində şeir söyləməyə başlayan O'Brayanın şeiriyyata qarşı olan sevgisi daha da dərinləşdi. Zamanla, o, danışıq lirikası və bədii rokun özünəməxsus vəhdətini inkişaf etdirdi, heyrət doğuran canlı efirləri isə ona paytaxtda və xaricdə ən həyəcanverici ifaçılardan biri kimi layiqli şöhrət qazandırdı. Şineydin yaradıcılığı ilə 2020-ci ilin sentyabr ayında işıq üzü görmüş Drowning in blessings mahnısını dinləməklə daha yaxından tanış olun.
Selector Live, Selector Radionun - yeni Böyük Britaniya musiqisi haqqında radio efiri - dəstəyilə British Council tərəfindən həyata keçirilən konsertlər silsiləsidir. Sözügedən silsilə konsertlərin bir hissəsi olaraq, The Comet is Coming, Circa Waves, Max Cooper, Ghostpoet, Slaves və Everything Everything kimi musiqiçilər Kiyevdə çıxış ediblər.
Selector Radio 20 illik yubileyini qeyd edir! Keçən 20 il ərzində Selector, Böyük Britaniyalı musiqiçilərin bütün dünyada öz pərəstişkarları ilə əlaqə qurması üçün əvəzsiz imkanlar yaratmışdır. İndi biz, Kubadan Ukraynaya, Argentinadan Çinədək, həftəlik dörd milyon izləyici ilə 35-dən çox ölkədə fəaliyyət göstəririk. Əməkdaşlarımız Prosto Radio (2010 - 2015), Tysa FM (2010 - 2019), Radio Aristocrats (2014 - 2019) və Radio Promin (2019-cu ildən indiyədək) sayəsində, Selector Ukrayna 11 ildən artıqdır ki, efirdədir.
VA konsertləri musiqi agentliyi 2016-cı ildə Ukraynada dünyanın hər yerindən olan alternativ musiqi janrlarını və sənətçilərini təqdim etmək üçün qurulmuşdur. Məqsədi - Ukrayna tamaşaçısının musiqi zövqlərinin inkişafı, yüksək keyfiyyətli musiqi tədbirləri təşkili, musiqi sektorunda yeni istedadların aşkarlanması və dəstəklənməsi ilə yeni mədəni təcrübənin qazanılmasına töhvə verməkdir. VA konsert agentliyi yalnız musiqini deyil, həm də humanistlik ideyalarını təbliğ edir, diskriminasiya və faşizmə qarşı öz əks mövqeyini nümayiş etdirir.