2014-cü il Şekspirin 450 illik Yubileyi kimi qeyd olunur.
Dünyanın istənilən nöqtəsindən Şekspirin Doğum günü ilə əlaqədar təbrik və arzular HappyBirthdayShakespeare (http://birthday2013.bloggingshakespeare.com) internet saytı ilə qəbul olunur.
British Council Azərbaycan Park Bulvar Ticarət və Əyləncə Mərkəzi ilə birgə ölkəmizdə Şekspir ilini elan etməkdən məmnunluq hissi duyur. Şekspirin 450-ci Doğum Günü silsilə tədbir və proqramlarla təntənəli şəkildə qeyd olunur.
Doğum günündən 4 əsr keçməsinə baxmayaraq Şekspir günümüzə qədər Britaniyanın ən mühüm mədəniyyət elçisi və məşhur simalarından biridir. British Council Azərbaycan silsilə tədbirlərini Aprel ayında start götürən təntənəli açılış mərasimi ilə başlayır. 2014-cü ilin Şekspir ili qeyd olunmasının əsas səbəblərindən biri Azərbaycanda onun irsini qoruyub saxlamaq, insanları dahi yazıçının həyat və yaradıcılığından olan əsərləri haqda məlumat vermək və təbii ki, ingilis ədəbiyyatının ən tanınmış nümayəndəsi ilə tanış etməkdir.
Azərbaycanlı müəllimlər British Council-ın onlayn vəsaitlərindən istifadə edə biləcək. Həmçinin, məktəb şagirdləri Şekspir mövzusunda olan tədbir və proqramlarda yaxından iştirak etmək imkanı əldə edəcəklər. Belə ki, müsabiqələrdən birində şagirdlər Vilyam Şekspirin sonetlərindən birini tərcümə etməklə Birləşmiş Krallıqda kurs keçmək şansı əldə edəcəklər.
Birləşmiş Krallıqda Şekspir-2014 haqqında daha ətraflı məlumat almaq üçün www.shakespeares-england.co.uk/shakespeare-450 saytına müracitə edə bilərsiniz.