British Council Azərbaycan 26 May 2015-ci il tarixində, saat 10:00-dan 14:00-dək Park İnn otelində Məzunların Məşğulluq Forumu keçirəcəkdir. Forum Azərbaycan Respublikası Təhsil Nazirliyi tərəfindən dəstəklənir. Forumun keçirilməsində əsas məqsəd məzunların məşğulluq imkanlarının artırılması üçün ali təhsil və biznes müəssisələrinin nümayəndələrini bir yerə gətirərək müzakirələrin aparılmasıdır. Bu məqsədə nail olmaq üçün British Council Universitetlər və işəgötürənlər arasında uğurlu əməkdaşlıq əlaqələrinin qurulmasını dəstəkləyir.
British Council Azərbaycan 2014-cü il oktyabr ayında universitetlər və işəgötürənlər arasında əməkdaşlığın gücləndirilməsinə dair konfrans həyata keçirmişdir. Tədbir zamanı müxtəlif ali təhsil və biznes müəssisələrindən olan 80-ə yaxın nümayəndə bir araya gəlmişdir. Konfransın nəticəsi olaraq yerli universitetlər və biznes şirkətləri məzunların məşğulluq imkanlarının qarşılıqlı səmərə üçün artırılması məqsədilə gələcək əməkdaşlıqların inkişaf etdirilməsində maraqlı olduqlarını bildirmişlər. Beləliklə hər iki tərəfdən əldə olunan rəylərə əsasən bu sahə üzrə mövcud olan boşluqların təyin edilməsi və qarşılıqlı şəkildə anlaşılması üçün ali təhsil və biznes müəssisələri arasında üzbəüz görüşlərin keçirilməsinə ehtiyac olduğu qeyd edilmişdir. Görüş zamanı bu istiqamətdə uğurlu əməkdaşlıqların qurulması üçün əsas maraq tərəflərinin – işəgötürən, universitet və tələbələrin ata biləcəyi addımların müzakirəsi nəzərdə tutulmuşdur.
Konfransın davamı olaraq British Council universitet, biznes şirkətləri və Təhsil Nazirliyinin nümayəndələrini bir araya gətirərək World Café formatında Məzunların Məşğulluq Forumunu təşkil edəcək. Bu mövzuda maraqlı olan tərəflər öz bilik və ideyalarını bölüşərək yerli kontekstdə görülə biləcək fəaliyyətləri araşdıracaqlar.
World Café formatının əsas məqsədi müəyyən olunmuş mövzu barədə mövcud bilikləri bölüşmək, və qarşıya qoyulan məsələnin araşdırılması və həlli yolunda müzakirələrin aparılması üçün imkan yaratmaqdır. World Café stilində olan tədbir zamanı iştirakçılar qrup şəklində kafe stilində olan masaların arxasında əyləşərək mövzu üzrə əvvəlcədən təyin edilmiş suallar ətrafında müzakirələr aparırlar.
Ali təhsil və biznes müəssisələrinin nümayəndələrini Forumda iştirak etməyə dəvət edirik.
Tədbirdə iştirak etmək üçün aşağıdakı qeydiyyat formasını tamamlayaraq 20 May, 2015-ci il tarixinədək nigar.nasrullayeva@britishcouncil.az e-mail ünvanına göndərə bilərsiniz.
British Council Məşğulluq Forumunda bu mövzu üzrə təcrübəsi olan şəxsləri könüllü şəkildə moderator rolunda çıxış etməyə dəvət edir. Moderator rolunda çıxış etməkdə maraqlı olan şəxslər aşağıdakı qeydiyyat formasını tamamlayaraq nigar.nasrullayeva@britishcouncil.az e-mail ünvanına göndərə bilərlər.
Layihənin yekun mərhələsi olaraq British Council Azərbaycan bu istiqamətdə qurulan əməkdaşlıqlara dəstək vermək üçün 2015-ci ildə Azərbaycandan olan universitet və biznes müəssisələrinin nümayəndələrinin iştirakı ilə Birləşmiş Krallığa səfər təşkil edəcəkdir. Səfər zamanı iştirakçılar Birləşmiş Krallığın bu istiqamətdə əldə etdiyi uğurlu əməkdaşlıqlarla əyani şəkildə tanış olmaq və sahə üzrə bilik dairələrini genişləndirmək imkanını əldə edəcəklər.
Ətraflı məlumat əldə etmək üçün Təhsil İşləri üzrə İcraçı Nigar Nəsrullayeva ilə əlaqə saxlaya bilərsiniz nigar.nasrullayeva@britishcouncil.az.