Edinburgh Universiteti ‘2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramında’ yer alıb və hazırda universitetdə Azərbaycandan 32 tələbə təhsil alır. Universitet Foundation proqramlarından başlayaraq, bakalavr, magistratura və PhD daxil olmaqla təhsilin bütün pilləri üzrə proqramlar təklif edir ki, Azərbaycandan olan tələbələr də göstərilən müxtəlif pillələr üzrə burada təhsil alırlar.
Ümumilikdə Edinburgh bir sıra səbəblərə görə beynəlxalq tələbələr arasında çox populyardır:
• Bura prestijli və dünyanın aparıcı təhsil müəssisələrindən biridir;
• Akademik heyəti hər bir üzü öz ixtisaslaşdığı sahələr üzrə öndə gedən tədqiqatçılardan ibarət olan intensiv təqdiqat meylli universitetdir;
• Son zamanlarda xüsusi qeyd edilməli fəaliyyətləri kimi Dolly the Sheep, Higgs Boson və Hepatit B peyvəndi layihələri göstərmək olar;
• QS dünya universitetlərinin 2014-cü il retinqində 17-ci yerdədir;
• Russel Group-na daxil olan universitetlərdən biridir;
• Ümumi 33 000 tələbəsi var, onların da 13 000-i beynəlxalq tələbələrdir;
• Birləşmiş Krallıq standartları ilə Edinburgh kifayət qədər böyük universitetdir və burada 12 000 əməkdaş çalışır ki, bu da işçi heyət-tələbə mütənasibliyinin yüksək olduğunu və tədrisin kiçik qruplarda aparıldığını göstərir;
• Edinburgh Universitetinin məzunlarının məşğulluq dərəcəsi 96 % təşkil edir və məşğulluğa görə bu universitet 18-ci yerdədir və məzunlarının bəziləri Birləşmiş Krallıqda ən yüksək əməkhaqqı alanların sırasındadırlar;
• Edinburgh paytaxt şəhərdir və tələbələrin bu fantastik məkanda geniş infrastruktur və resurslara çıxışı üstünlüyü vardır;
• Tarixi şəhər olan Edinburgh bu yaxınlarda Birləşmiş Krallığın ən təhlükəsiz şəhəri səsverməsində qalib olub.
Edinburgh Universitetindən cənab Stuart Easter mart ayında Azərbaycana səfər edəcək və səfəri çərçivəsində onun 13 mart 2015-ci il tarixində British Council Azərbaycanının ofisində təqdimatı olacaq. Hər biriniz onun ‘Edinburgh Universitetində Təhsil’ adı təqdimatına dəvətlisiniz. Bu sizin Birləşmiş Krallığın ən yüksək reytinqli universitetlərindən biri haqqında öyrənə bilməyiniz üçün əla imkandır.
Tarix: 13 mart 2015, Cümə
Vaxt: 16:00
Məkan: British Council, 90A Nizami küçəsi, Landmark III, Bakı, 8-ci mərtəbə
Təqdimatda iştirak ödənişsizdir.
Qeydiyyat üçün:
Zəhmət olmasa 12 mart 2015-ci il tarixinə qədər ad və soyadınızı öz əlaqə vasitələriniz ilə birgə ilham.yusifov@britishcouncil.az e-mail ünvanına göndərərdiniz. Əgər mümkündürsə bizə təhsil almaq istədiyiniz ixtisas və təhsil pilləsi haqqında da məlumat verərdiniz.
Yerlər məhduddur!