Azərbaycan Birləşmiş Krallıq Məzunları Assosiasiyası (AUKAA) 2015-ci ilin dekabr ayında assosiyasiyanın yaradılması ilə bağlı 10 illik yubileyini qeyd edəcək. Bununla əlaqədar olaraq, British Council, Böyük Britaniyanın Azərbaycandakı Səfirliyi və AUKAA təşkilatın yaradılmasının 10 illiyinə həsr olunmuş çox mərhələli layihə həyata keçirəcək. Bu layihəyə AUKAA-nın müxtəlif illərdən olan məzunları cəlb olunacaq.
Layihə üç əsas mərhələdən ibarətdir:
- Tələbələr üçün təqdimatlar
- Xeyriyyə tədbiri
- AUKAA-nın 10 illiyi, Yeni il və AUKAA idarə heyətinin seçilməsinə həsr edilmiş tədbir
İlkin mərhələ olaraq məzunlar öz karyera və ya təhsil təcrübəsinə dair mövzular üzrə yerli Universitetlərin tələbələrinə motivasiya yönümlü təqdimatlar keçəcəklər. Məzunlar həmçinin Bakıda yerləşən uşaq evlərinin birinə baş çəkəcəklər.
Layihənin sonunda AUKAA-nın 10 illiyinə həsr edilmiş tədbir təşkil ediləcək. Tədbir zamanı AUKAA-nın fəaliyyətinə dair video yayımlanacaq. Tədbirdə həmçinin, AUKAA-nın sədr və idarə heyətinin illik seçkisi də həyata keçiriləcək.
Tədbir 18 dekabr, 2015-cil tarixində İnturist otelində keçiriləcək.
Tədbirdə iştirak etmək istəyən Birləşmiş Krallıqda təhsil almış və AUKAA-ya üzv olan məzunlar aşağıdakı ərizə formasını tamamlayaraq 10 dekabr, 2015-ci il tarixinədək aukaa.intern1@aukaa.az e-mailinə göndərə bilərlər.
Tədbirdə yalnız qeydiyyatdan keçmiş şəxslər iştirak edə bilərlər.
