British Council Azərbaycan 3 noyabr, 2014-cü il tarixində Hilton Hotelində Birləşmiş Krallıq və Azərbaycanın Ali Təhsil Müəssisələri arasında potensial əməkdaşlıq əlaqələrinin qurulmasına dair tədbir keçirəcəkdir.
Tədbirin keçirilməsində əsas məqsəd 30 Birləşmiş Krallığın və 30 Azərbaycanın Ali Təhsil Müəssisələrinin nümayəndələrini bir yerə toplayaraq əməkdaşlıq imkanlarının üz-üzə müzakirəsi üçün zaman ayırmaq, ortaq maraqları öyrənmək və gələcək əməkdaşlığın qurulması məqsədilə əlaqə məlumatlarının mübadiləsi üçün imkan yaratmaqdır.
Tədbirdə iştirak edərək ali təhsil müəssisələri aşağıdakı faydaları əldə edəcəklər:
- Birləşmiş Krallıq və Azərbaycan universitetləri arasında: tələbə mübadiləsi; iki dərəcəli proqramlar; müəllim təlimi; tədris planının inkişafı və s. baxımından gələcək əməkdaşlığın inkişafı üçün tanışlıq imkanı.
- Gələcək əməkdaşlıqlar Azərbaycan tələbələri arasında Birləşmiş Krallığın universitetlərinin davamlı təşviqini təmin edəcəkdir.
- Tədbirin davamı olaraq əməkdaşlıq etmək istəyən Birləşmiş Krallığın və Azərbaycan universitetlərinin nümayəndələri əməkdaşlığın inkişafına dəstək olaraq British Councila təqaüd üçün müraciət edə bilərlər.
Azərbaycan universitetlərinin nümayəndələri və 1-2 noyabr, 2014-cü il tarixində Birləşmiş Krallıqda Təhsil Sərgisində iştirak edəcək Birləşmiş Krallığın universitet nümayəndələri tədbirdə iştirak üçün dəvət olunurlar.
Ətraflı məlumat üçün Nigar.Nasrullayeva@britishcouncil.az (Nigar Nəsrullayeva, Təhsil İşləri üzrə İcraçı) ünvanına müraciət edə bilərsiniz.