Bu ay Azərbaycanın dövlət məktəblərində yeni Ingilis dili Mərkəzlərinin modelinin ilk nümayişi gözlənilir.
İngilis dili Mərkəzi dilin real tətbiq edildiyi bir məkandır. Bu, şagirdlər və ingilis dili müəllimləri üçün resurs və tədris mərkəzidir və burada dinamik fəaliyyət proqramından, danışıq klublarından, bacarıq məşğələlərindən, filmlərdən, seminarlardan, oxu qruplarından, maraq qruplarından, onlayn materiallardan istifadə olunur. Burada siz ingilis dilini öyrənə, təcrübədə tətbiq edə, məsləhət ala və ingilis dilində əylənə bilərsiniz. Bura bütün tələbələrə açıqdır, bir şərtlə ki, onlar İngilis dili Mərkəzində ancaq ingilis dilində danışacaqlar
İngilis dili Mərkəzlərinin necə olacağına və necə işləyəcəyinə dair təsəvvür yaratmaq üçün Bakı şəhəri, Nəsimi rayonundakı 23 saylı məktəbdə mərkəzin modelini nümayiş edəcəyik və müxtəlif fəaliyyətlərdə iştirak etmək üçün müəllimlər və şagirdlər dəvət olunacaqlar. İngilis dilinə dair yeni bacarığa yiyələnin! Mükafatlarla təltif edilmiş bir sıra ingilis dili proqramlarını sınaqdan keçirin! Qısa filmə baxın və onun haqqında danışın! İngilis dilində oyunlar oynayın! Britaniya həyatına dair İngiltərə vətəndaşına suallar verin! İngilis dilini təcrübədə və ünsiyyətdə reallaşdırdıqca özünəinam, motivasiya qazanın və bacarıqlara sahib olun.